Endometrioz (şokolad kistası) əlamətləri depressiyanı tətikləyir

Şokolad kistası ya da tibbdəki adı ilə ‘endometrioz’ qadınlar arasında olduqca yayğın olan bir problemdir. Hər 10 qadından 1-ində rast gəlinən şokolad kistası çox yayğın olsa da, həm asan diaqnoz edilmədiyi, həm də əhəmiyyət verilmədiyi üçün bir çox sağlamlıq probleminin xəbərçisi ola bilir.

Endometrioz (şokolad kistası) əlamətləri depressiyanı tətikləyir

Şokolad kistasının birbaşa depressiyanı tətikləyən kimyəvi təsiri yoxdur. Lakin kistanın varlığı insanın həyat keyfiyyətinə olduqca ciddi ölçüdə təsir etdiyi üçün nəticə olaraq depressiya ortaya çıxa bilir.

Şokolad kistası olan qadınlarda qasıq və alt qarın nahiyəsində şiddətli ağrı, ağrılı sidik ifrazı, ağrılı defekasiya, cinsi əlaqə zamanı qanaxma və ağrı kimi əlamətlərlə ortaya çıxa bilir. Bu əlamətlərə qadınlar tərəfindən əhəmiyyət verilmədiyi üçün də şokolad kistasının erkən diaqnozu mümkün olmur.

Lakin həmin əlamətlər səbəbindən həyat keyfiyyəti aşağı düşərkən sosial həyat da mənfi şəkildə təsirlənir. İnsanın partneri ilə davam etdirdiyi sağlam münasibət təhlükəyə düşür, cinsi baxımdan istəksizlik uzunmüddətli perspektivdə insanın özünü yetərsiz hiss etməsinə səbəb olaraq depressiyanı tətikləyə bilir.

Şiddətli ağrılar və ağrılı aybaşı qanaxmaları kimi problemlər də insanın sosial baxımdan passivləşməsinə səbəb olur. İnsan bu problemləri yaşadığı üçün bayıra çıxmaqdan, insanlarla vaxt keçirməkdən çəkinərkən, xüsusilə ağrılar səbəbindən iş həyatında da çətinliklər çəkir.

Bu problemlərin hamısı bir araya gəldiyi zaman daimi stress halı, sosial mühitdən uzaqlaşma və görülən işlərdə uğursuzluq hissi depressiyanı ortaya çıxarır.

Görünüşü və toxuması səbəbindən şokolad kistası adlandırılan endometrioz müalicə edildiyi zaman insanın çox daha sağlam və rahat bir həyata sahib olmasının mümkün olduğu bir problemə çevrilir.

Şokolad kistası erkən diaqnoz edilmədiyi hallarda müalicəsi çətinləşən bir narahatlıq olduğu üçün mütləq nəzərə alınmalıdır. Uzunmüddətli perspektivdə hamilə qalmağı çətinləşdirən, sonsuzluğa səbəb ola bilən şokolad kistası dərmanla nəzarətə alına bildiyi kimi, cərrahi müdaxilə ilə də müalicə edilə bilər.

Endometrioz müalicəsində insanın həyat keyfiyyətini yüksəltmək və sağlam şəkildə həyatına davam etməsini təmin etmək əsasdır. Qadınların ginekoloji müayinələrini müntəzəm olaraq etdirməsi ilə şokolad kistası həyata mənfi təsir edən bir problem olmaqdan çıxır.