Adenomioz və Endometrozun Fərqləri Nədir?

Uşaqlığın ən daxilindəki təbəqəyə endometrium adı verilir. Bədəndə ifraz olunan estrogen hormonu ilə endometrial toxuma qalınlaşaraq uşaqlığı hamiləliyə hazırlayır. Hamiləlik baş vermədikdə isə qalınlaşan bu endometrial toxuma tökülərək aybaşı qanı ilə kənara atılır. Qadınlarda bu dövrə aybaşı dövrü adı verilir.

Qalınlaşan uşaqlıq divarı toxuması bəzi hallarda çatmamalı olduğu yerlərə çatır. Bunun nəticəsində isə  endometrioz ya da adenomioz narahatlıqları görülür. Hər iki xəstəlik bəzi bənzər simptomlara sahibdir. Üstəlik endometrioz və adenomioz eyni anda da görülə bilir.

Bu iki xəstəliyə heç də az olmayan tezliklə Bağırsaqda Dərin İnfiltrativ Endometrioz da müşayiət edə bilir. Bu narahatlıqların hələ də nəyə görə meydana gəldiyi, bəzən tək, bəzən üçünün birlikdə nəyə görə görülə bildiyi hələ tam olaraq bilinmir.

Adenomiozun və endometriozun eyni mənşədən qaynaqlandığı qəbul edilsə də, hər iki xəstəlik arasındakı ən böyük fərqlərdən biri bədəndə yerləşdikləri yerlərin tamamilə fərqli olması kimi ifadə edilə bilər. Endometrioz uşaqlığın ən daxili toxumasının uşaqlıqdan kənarda inkişaf etməsi ilə əmələ gəlir. Bu inkişaf uşaqlığa yaxın olan yumurtalıq, fallop boruları və sidik kisəsi kimi orqanlarda görülür.

Endometrioz həm də sonsuzluğa səbəb ola bilir. Endometrioz eyni zamanda xalq arasında şokolad kistası olaraq da bilinir. Adenomioz isə eyni uşaqlıq toxumasının fərqli orqanlarda ya da uşaqlıq səviyyəsində deyil, uşaqlığın daha dərinlərindəki əzələli divarında meydana gəlməsidir.

Aybaşı dövründə əzələli toxumanın arasında yerləşən endometrial toxuma normaldan fərqli şəkildə qalınlaşmağa davam edir. Lakin uşaqlıqdan kənara atıla bilmir. Adenomioz adətən daha irəli yaşlarda görülsə də, gənc yaşlarda da heç də az olmayan tezliklə görülür.

Adenomioz və endometrioz bədənin fərqli nahiyələrinə təsir etdiyi üçün fərqli əlamətlərə səbəb olur. Hər iki xəstəlikdə də uşaqlıq toxuması olmalı olduğu yerdən fərqli yerdə inkişaf edir. Lakin bu vəziyyət onun funksiyalarını normal şəkildə davam etdirməsinə mane olmur. Hər aybaşı dövründə uşaqlıqdan kənarda da olsa bu toxumalar qalınlaşır.

Endometriozun ən çox rast gəlinən əlamətləri arasında qarın nahiyəsində ağrı yer alır. Bu ağrı aybaşı dövrü zamanı daha da artır. Bundan başqa ayaqda ya da beldə ağrı, yaxud cinsi əlaqə zamanı ağrı meydana gələ bilir. Həmçinin tualetə gedərkən ağrı hiss etmə, ürəkbulanma, qusma və yorğunluq hissi digər endometrioz əlamətləri arasında yer alır. Adenomioz isə rektumda və sidik kisəsində təzyiq hissinə səbəb olur. Uşaqlıq əzələləri daha gərgin hala gəlir. Bundan başqa aybaşı dövrünün çox şiddətli və sancılı keçməsinə yol açır.