Bud, ayaq ağrısı olanlarda da Siatik Sinir Endometriozu ola bilər

Aybaşı Dövründə Bud və Baldırlardan Başlayıb Ayaq Tabanına Qədər Vuran Ağrıda Siatik Sinir Endometriozu Mütləq Ağla Gəlməlidir

Siyatik sinir endometriozu adlandırılan vəziyyətin bütün endometrioz halları nəzərə alındıqda meydana gəlmə ehtimalı olduqca aşağıdır. Lakin bu vəziyyət ortaya çıxdıqda ciddi şikayətlərə səbəb olur və insanın həyat keyfiyyətinə mənfi təsir edir. Reproduktiv yaşdakı qadınların təxminən 10%-ində rast gəlinən endometriozun olduqca nadir bir növü olan siyatik sinir endometriozu çanaq sümüyünə yaxın nahiyədə şokolad kistası olaraq da bilinən endometrioz tutulumunu ifadə edir və ayaq ağrısı ilə xarakterizə olunan bir problemdir.

Siyatik sinir ümumilikdə insan bədənindəki ən uzun və ən qalın sinir kimi təsvir edilə bilər. Budun arxası, diz, baldırın arxası və ayaq altı kimi nahiyələrdə yaranan hisslər siyatik sinir vasitəsilə daşınır. Bəzi ayaq və baldır əzələləri də yenə bu sinir ilə oyadılır. Endometrioz, ya da daha çox bilinən adı ilə şokolad kistası törəmələri nadir hallarda da olsa bu sinirin qarın boşluğunda qalan hissəsinə birləşə bilər. Bu birləşmə nəticəsində də siyatik sinirdə meydana gələn təzyiq nəticəsində yaranan problemlər ortaya çıxır. Əgər xəstənin hekayəsi diqqətlə dinlənilməzsə və detallar araşdırılmazsa, problemin endometrioza bağlı meydana gəldiyini anlamaq olduqca çətindir.

Siyatik sinir endometriozu həm şokolad kistasına, həm də bel yırtığına bənzər əlamətlərə səbəb ola bilər. Siyatik sinirdə tutulum bel yırtığında olduğu kimi ayaqlarda ağrı, keyimə hissi, ayaq altında ağrı, qarışqa gəzməsi hissi və əzələ zəifliyi kimi simptomların ortaya çıxmasına yol aça bilər. Endometrioz ilə xarakterizə olunan aybaşı dövrü ağrıları da əlamətlər arasında yer alır. Lakin burada diqqət edilməli olan ən önəmli detal ayaqlarda və ayaq altında meydana gələn ağrı, qarışqa gəzməsi və keyimə hisslərinin aybaşı dövründə şiddətlənməsidir. Çünki aybaşı dövründə endometriotik toxumada artan iltihaba bağlı olaraq siyatik sinir üzərindəki təzyiq də artacağı üçün əlamətlərin çox daha şiddətli ortaya çıxması gözlənilir.

Əhatəli müayinə nəticəsində ətraflı MRT çəkilərək bu problem diaqnoz edilə bilər. Qasıq nahiyəsi sinir cərrahiyyəsində ixtisaslaşan neyropelvioloqlar tərəfindən aparılan cərrahi müdaxilə nəticəsində insanların yaşadığı bütün əlamətlərin təxminən hamısı aradan qalxır və insan normal həyatına rahat şəkildə geri dönür. Müalicənin gecikdiyi hallarda sinirdə qalıcı zədə nəticəsində düşən ayaq və yeriməkdə şikəstlik problemi ola biləcəyi unudulmamalıdır.