რა გავლენას ახდენს შოკოლადის კისტა ოვარიუმის (საკვერცხის) რეზერვზე?

შოკოლადის კისტის მქონე უნაყოფო (სტერილურ) ქალებში საკვერცხის რეზერვი საკმაოდ დაბალია. მიიჩნევა, რომ ენდომეტრიოზის ოპერაციასთან დაკავშირებული საკვერცხის დაზიანება განსხვავებული მექანიზმით მოქმედებს საკვერცხის (ოვარიუმის) რეზერვზე.

ჟურნალ “Assisted Reproduction and Genetics”-ში გამოქვეყნებულ ამ კვლევაში არიზონას უნივერსიტეტისა და ბრიგამის ქალთა საავადმყოფოს მკვლევრებმა შეისწავლეს 671 ადამიანი, რომლებმაც 2015 წლის აპრილიდან 2018 წლის მაისამდე მიმართეს “ინ ვიტრო განაყოფიერების” მკურნალობას. ამ კვლევაში ჩართული ადამიანები შემთხვევების მიხედვით სამ სხვადასხვა ჯგუფად დაიყვნენ. პირველი ჯგუფი — “ქალები, რომლებსაც აქვთ ენდომეტრიოზი და წარსულში გადატანილი აქვთ საკვერცხის ოპერაცია”, მეორე ჯგუფი — “ენდომეტრიოზის მქონე ქალები, რომლებსაც წარსულში საკვერცხის ოპერაცია არ ჩატარებიათ”, მესამე ჯგუფი — “ქალები, რომლებსაც არ აქვთ ენდომეტრიოზი და მამაკაცის უნაყოფობის გამო ვერ ორსულდებიან” და შემთხვევები შეგროვდა.

შემთხვევების ჯგუფებად დაყოფის შემდეგ ამ ადამიანების სისხლში ანტი-მიულერის ჰორმონის (AMH) და ფოლიკულომასტიმულირებელი ჰორმონის (FSH) დონეები/მაჩვენებლები დადგინდა და შეისწავლეს. ამ კვლევით დადგინდა, რომ საკვერცხის ოპერაცია გადატანილი ან გადაუტანელი ენდომეტრიოზის მქონე ქალების საშუალო AMH დონე უფრო დაბალია მამაკაცის უნაყოფობის გამო ვერ ორსულებულ ქალებთან შედარებით. მამაკაცის ფაქტორით გამოწვეული უნაყოფობის მქონე ადამიანებთან შედარებით კი ენდომეტრიოზის მქონე ქალებს უფრო ხშირად აქვთ 1 ნგ/მლ-ზე დაბალი AMH დონე.

ამ კვლევაში მამაკაცის ფაქტორით გამოწვეული უნაყოფობის მქონე ქალებთან შედარებით დადგინდა, რომ ენდომეტრიოზით გამოწვეული უნაყოფობის მქონე ქალებში FSH-ის დონე უფრო მაღალია. AMH ცნობილია როგორც ჰორმონი, რომელსაც გამოიმუშავებს განვითარებადი საკვერცხის უჯრედები. AMH-ის დაბალი დონე კორელირებს საკვერცხის დაბალ რეზერვთან და საკვერცხის რეზერვის კარგი ინდიკატორია.